ಕರ್ನಾಟಕ ಹಾಗೂ ಭಾರತ

ಕರ್ನಾಟಕವು ಭಾರತ ಒಕ್ಕೂಟದ ಒಂದು ರಾಜ್ಯವಾಗಿದ್ದು, 74,122 ಚ.ಮೈಲಿಗಳ ಪ್ರದೇಶ ಹಾಗೂ 200 ಮೈಲಿಗಳ ನಿಡಿದಾದ ಕರಾವಳಿಯನ್ನು ಹೊಂದಿದೆ. ರಾಜ್ಯದಲ್ಲಿ ಹಲವಾರು ನದಿ ಹಾಗೂ ತೊರೆಗಳು, ವೈವಿಧ್ಯಮಯ ಹವಾಮಾನ, ಸಿರಿವಂತ ಮಣ್ಣು, ಸಮುದ್ರ ಮಟ್ಟದಿಂದ ಸುಮಾರು 5,000 ಅಡಿ ಎತ್ತರದವರೆಗಿನ ಭೂಪ್ರದೇಶ ಚಿತ್ತಾಕರ್ಷಕ ಅರಣ್ಯಗಳು, ಭೂವಿನ್ಯಾಸಗಳು ಜೋಗ್ ಜಲಪಾತ ಹಾಗೂ ಕೊಡಗಿನಂತಹ ನೈಸರ್ಗಿಕ ದೃಶ್ಯಗಳನ್ನು ಕಾಣಬಹುದು. ಇದು ಕಾಫಿû, ತೇಗ ಹಾಗೂ ಶ್ರೀಗಂಧ ಮತ್ತಿತರ ಅಪರೂಪದ ಮರಗಳ ನೆಲೆಬೀಡಾಗಿದೆ.