ಪೂರ್ಣ ಸೂರ್ಯಗ್ರಹಣ

ವಿಶ್ವದ ನೂರಾರು ವಿಜ್ಞಾನಿಗಳು ಪೂರ್ಣ ಸೂರ್ಯಗ್ರಹಣ ದಿನ ನಡೆಸಬೇಕೆಂದಿದ್ದ ಪ್ರಯೋಗಗಳಿಗೆ ಬಹುಕಾಲ ಸಿದ್ದತೆ ಮಾಡಿಕೊಂಡು ಫೆಬ್ರವರಿ ತಿಂಗಳ ಆದಿಭಾಗದಲ್ಲಿಯೇ ದಕ್ಷಿಣ ಭಾರತದ ಗ್ರಹಣ ಪ್ರದೇಶದ ಬೇರೆ ಬೇರೆ ಜಾಗಗಳಲ್ಲಿ ತಮ್ಮ ಸಾಧನೆ ಸಾಮಗ್ರಿಗಳೊಂದಿಗೆ ಸಂಸ್ಥಾಪಿತರಾದರು. ಆ ದಿನ ಮಧ್ಯಾಹ್ನದ ಬಳಿಕ ಕೆಲವು ಗಂಟೆ ತೀವ್ರ ಸಂಶೋಧನೆಯಲ್ಲಿ ತೊಡಗಿದರು. ಮನುಷ್ಯನ ಹೊರಗಿನ ಜಗತ್ತು ಗ್ರಹಣದ ಸಮಯದಲ್ಲಿ ಹೇಗಿರುತ್ತದೆ, ಸದಾ ಉರಿಯುವ ಸೂರ್ಯ ಕ್ಷಣಕಾಲ ತಣ್ಣಗಾಗಿ ತನ್ನ ಯಾವ ರಹಸ್ಯಗಳನ್ನು ಬಿಟ್ಟುಕೊಡುತ್ತಾನೆ ಎಂಬುದು ಅವರ ಸಂಶೋಧನೆಗಳ ಉದ್ದೇಶವಾಗಿದ್ದಿತು.